Buxoroda Ozarbayjon madaniyati kunlari
12 Oct, 2026 - 16:45
42
BUXORODA “O‘ZBEKISTONDA OZARBAYJON KUNLARI” BOSHLANDI!
Buxoro shahridagi Yoshlar markazida “O‘zbekistonda Ozarbayjon kunlari” doirasida o‘zbek va ozarbayjon san’atkorlari ishtirokida qo‘shma konsert dasturi bo‘lib o‘tdi.
Konsert davomida ikki qardosh xalq san’atkorlari tomonidan ijro etilgan dilrabo kuy-qo‘shiqlar, milliy ohanglar va betakror musiqiy chiqishlar tomoshabinlarga ko‘tarinki kayfiyat ulashdi. Sahna uzra yangragan ohanglar xalqlarimizning boy madaniy merosi, mushtarak qadriyatlari va san’atga bo‘lgan yuksak ehtiromini namoyon etdi.
🎼 Har bir kuyda — tarix nafasi, har bir qo‘shiqda — mehr va samimiyat, har bir ijroda esa ikki xalqni birlashtiruvchi do‘stlik tuyg‘ulari aks etdi.
Mazmunli va unutilmas taassurotlarga boy kecha madaniyat va san’at xalqlar o‘rtasidagi do‘stlikni mustahkamlash, o‘zaro hamjihatlikni rivojlantirish hamda ezgu an’analarni davom ettirishda muhim o‘rin tutishini yana bir bor namoyon etdi.
✨ O‘zbek va ozarbayjon xalqlari o‘rtasidagi do‘stlik, madaniy hamkorlik va qardoshlik rishtalari bardavom bo‘lsin!