BUXORODA FRANSIYA VA O‘ZBEKISTON MUSIQIY MADANIYATI UCHRASHDI!
24 Oct, 2026 - 19:13
35
Kristof Draver va Paskal Romano ijrosidagi musiqiy asarlar
Buxoro shahridagi Ko‘kaldosh madrasasida Fransiya va O‘zbekiston madaniyati o‘rtasidagi ijodiy muloqotni mustahkamlashga qaratilgan konsert dasturi bo‘lib o‘tdi.
“Yog‘du, raqs va orzular: madaniyatlar uchrashuvi orasida fransuz musiqasi bo‘ylab sayohat” nomli dasturda fransuz musiqasining nafis ohanglari, mumtoz asarlar va boy musiqiy an’analar namoyon etildi.
Pianinochilar Kristof Draver va Paskal Romano ijrosidagi musiqiy asarlar tomoshabinlarga unutilmas taassurotlar ulashdi.
Konsert Fransiya va O‘zbekiston madaniy merosini san’at orqali uyg‘unlashtirib, musiqa xalqlarni birlashtiruvchi betakror vosita ekanini yana bir bor namoyon etdi.