🗓 2025-yil 24-sentyabr kuni Toshkent shahridagi “Turkiston” san’at saroyi sahnasida O‘zbekiston davlat filarmoniyasi Buxoro viloyat bo‘linmasi tomonidan tayyorlangan “Buxoro oqshomi” nomli hisobot konserti bo‘lib o‘tdi.

🎶 Konsertda Buxoro san’atining betakror ohanglari, qadimiy “Buxorcha” uslubi, mavrigi qo‘shiqlari va milliy raqslar bir-birini boyitib, poytaxt ahli va mehmonlari uchun chinakam ma’naviy bayram tuhfasini taqdim etdi.

✨ Konsert davomida xalqimizning boy madaniy merosi, Buxoroning qadimiy san’at an’analari hamda zamonaviy ijodkorlar ijrosida yangicha talqinlar uyg‘unlashib, tomoshabinlarda katta taassurot qoldirdi.

👏 Ushbu san’at oqshomi nafaqat Buxoro viloyati ijodkorlarining mahoratini ko‘rsatdi, balki milliy madaniyatimizning boyligi va betakrorligini yurtimiz poytaxtida yanada kengroq targ‘ib etdi.