O‘zbekiston Respublikasi Madaniyat vazirligining 2025-yil 26-iyundagi 308-sonli buyrug‘i ijrosini ta’minlash, yoshlarning bo‘sh vaqtini mazmunli tashkil etish, ularni milliy qadriyatlarga hurmat ruhida tarbiyalash hamda ijodiy muhitni kengaytirish maqsadida Vobkent tumani 27-son madaniyat markazida “Yozgi iqtidorlar” respublika festivalining tuman bosqichi bo‘lib o‘tdi.

Tadbirni Vobkent tuman hokimi o‘rinbosari Sh. Husenov ochib berdi. U o‘z nutqida yosh avlodning ijodkorligi va tashabbuskorligini qo‘llab-quvvatlash, ularning badiiy va intellektual salohiyatini rivojlantirish dolzarbligini ta’kidladi.

Shundan so‘ng yoshlar tomonidan tayyorlangan rang-barang musiqiy va badiiy chiqishlar tomoshabinlar e’tiboriga havola etildi.

Festivalda faol ishtirok etgan yoshlarga Madaniyat bo‘limi mudiri tomonidan “Tashakkurnoma”, “Sertifikat” hamda esdalik sovg‘alari tantanali ravishda topshirildi.