2025-yil aprel oyida imzolangan hamkorlik memorandumi doirasida Chelyabinsk viloyatining Madaniyat vazirligi bilan Buxoro viloyati o‘rtasida o‘zaro do‘stona aloqalar yo‘lga qo‘yildi. Mazkur hamkorlik samarasi o‘laroq, joriy kunlarda Chelyabinsk viloyatining Plast tumanida o‘tkazilayotgan  "БАЖОВСКИЙ ФЕСТИВАЛЬ - 2025“ da Buxoro viloyati delegatsiyasi ham faol ishtirok etmoqda.

Delegatsiya a'zolari Plast tumanidagi konchilar shaharchasida joylashgan muzey faoliyati bilan yaqindan tanishib chiqishdi. Shuningdek, ushbu hududda hamyurtimiz tomonidan tashkil etilgan, turli qandolat mahsulotlari va sharqona shirinliklar ishlab chiqarishga ixtisoslashgan “МС-Конди” korxonasida bo‘lib, korxona faoliyati bilan bevosita tanishishdi.

Bu tashrif madaniy almashinuvni mustahkamlash, ijodiy tajriba  shuningdek, ikki hudud o‘rtasida  madaniy hamkorlikni yanada kengaytirish yo‘lidagi muhim qadam bo‘ldi.