📌 Xabaringiz bor, kecha Buxoro davlat universitetida Abdurauf Fitrat nomidagi Buxoro maqom san’atiga ixtisoslashtirilgan maktab-internatining 5 yilligi munosabati bilan ilmiy-amaliy konferensiya bo‘lib o‘tdi.

🧠 Tadbirning birinchi qismida maqom san’ati rivoji, uni yosh avlodga yetkazish, ilmiy asosda o‘rganish va targ‘ib qilish borasidagi dolzarb masalalar muhokama qilindi. 
🎤 Kunning ikkinchi yarmida esa Fitrat maktabi, Farg‘ona va Xorazm ixtisoslashtirilgan maktab-internatlarining ustoz-shogirdlari ishtirokida jonli ijrodagi konsert dasturi namoyish etildi.

👏 Konsert davomida yoshlardagi iqtidor, ustozlardagi mahorat, milliy san’atga bo‘lgan mehr uyg‘unlashib, barchani zavqqa to‘ldirdi. Maqom kechasi olqishlar va ko‘tarinki kayfiyat bilan yakun topdi.

🌟 Bunday tadbirlar yosh avlodda milliy o‘zlikni anglash, madaniyatimizga faxr bilan qarash hissini kuchaytirishda beqiyos ahamiyatga ega!