📍 2025-yil 30-aprel kuni Qirg‘iziston Respublikasining Bishkek shahrida joylashgan T. Abdumunov nomidagi Qirg‘iz milliy akademik drama teatrida “Ergüü” (“Ilhom”) Milliy teatr mukofotining tantanali topshirish marosimi bo‘lib o‘tdi.

🏆 Nufuzli hakamlar hay’ati qaroriga ko‘ra, Buxoro viloyati musiqali drama teatrida S. Rayev asari asosida rejissyor L. Navro‘zov tomonidan sahnalashtirilgan “Ovsar” spektakli “Eng yaxshi xorijiy spektakl” nominatsiyasida g‘olib deb topildi!

🇺🇿 Ushbu yutuq yurtimiz san’atkorlari mahorati, sahna madaniyatimiz salohiyati xalqaro miqyosda yuksak baholanayotganidan dalolatdir.

👏 G‘olib jamoani chin qalbdan tabriklaymiz va ularga yangi sahna ijodlarida ulkan zafarlar tilaymiz!